شركة سامسونج عاملة تعاون مع Vodafone في مصر .
.
اي موبايل من سامسونج هتشتريه، فلوسك كلها هترجعلك وحداث او ميجابايتس على مدار سنه .
.
يعني مثلًا لو إشتريت موبايل Galaxy A31 بسعر رسمي 4150 جنيه هتقسمهم على 12 شهر، هيطلعلك 346 جنيه ودي قيمة الهدية اللي هترجعلك كل شهر لمدة 12 شهر من فودافون.
لو مثلًا الفيلكس بـ20 قرش فا هتلاقي ان انت هتاخد 1729 فيلكس كل شهر لمدة سنة، وطبعًا علشان تاخدهم لازم تكون مشترك في باقة فيلكسات 30 او 35 وتجددها كل شهر علشان يجيلك الفيلكسات .
.
طيب علشان يجيلك الفيلكسات دي هتشتري الموبايل من اي مكان وهتركب شريحة فودافون بتاعتك في مكان الـSIM 1 وبعدين بتتصل بـ #201* وهيجيلك الفيلكسات الهدية بتاعتك.

٢ التصميم :

الموبايل كالعادة زي معظم موبايلات سامسونج اللي في فئه الـA .. بيجي بظهر وفريم من البلاستيك .. والفئة السعرية اللي الموبايل ده موجود فيها مش كل الموبايلات زجاج ومش كلها بلاستيك.

٣ الشاشة :

والشاشة بقى اهم ميزة في الموبايل ده .. شاشة Super AMOLED بحجم 6,4 بوصة بدقة FHD+ .. فيها نوتش صغير كده فوق.

الشاشة حلوة جدًا.. سواء الوان او سطوع او زوايا الرؤية .. وزي ما بقولك ديه احسن حاجة عجبتني في الموبايل ده.

٤ الأداء :

موبايل Galaxy A31 جاي بمعالج ميدياتيك Helio P65 .. معالج مش قوي خالص في فئته السعرية .. محقق سكور مش كبير على Antutu Benchmark .. وده منعكس جًدا جدًا على الأداء.. وكمان نوع الذاكرة الداخلية eMMC 5,1 النوع القديم البطيء وكمان الموبايل بـ 4 جيجا رام فقط !

٥ عوامل الأمان وعناصر اخرى :-:

البصمة مٌدمجة في الشاشة .. مش سريعة ومش عملية .. ساعات بتغلط .. والـAnimation بتاع الواجهة مبطئها اكتر واكتر .. والـFace Unlock سرعته مقبولة بس مش اسرع حاجة.

الموبايل كالعادة مفيهوش لمبة اشعارات .. بس فيه خاصية الـAlways On Display .. بتعرضلك ايقونات إشعارات البرامج اللي جاتلك.

الموبايل فيه خاصية الـNFC وديه ميزة كويسة إن سامسونج مش بتشيلها من النسخ اللي جايه مصر .. عشان تقدر تشحن كارت عداد الكهربا من الموبايل علطول.

مستشعر الضوء موجود وشغال كويس .. ومستشعر التقارب كالعادة هيعلق معاك في المكالمات .. لازم تزلق الموبايل في ودنك اوي.

صوت الموبايل جاي من سماعة واحدة تحت على اليمين صوتها متوسط مش عالي ومش مجسم .. وصوت سماعات المكالمات عالي وواضح .. وصوت سماعات الأذن كويس مفيهوش مشاكل.